Tesla Model Y/3 音響升級分享

第一次街外升級音響:

話說我由 Tesla Model S 年代開始揸, 早期Tesla Model S 如果冇升級音響原廠音響可以話係好差, 想要低音冇低音, 想要人聲冇細節. 所以當日因為套音響太差連收音機都唔想聽. 所以我後期係有去升級原廠音響, 當時印象中我係換左 Morel 摩雷報價係 $8000左右換左2對低音加2隻高音好似仲有中音但唔確定. 因為當時唔係太識所以都冇問太多.

而我之後都有部Model S 係有原廠升級音響, 明顯係對比原廠Model S 冇升級係好好多. 所以就冇需要再升級.

Model Y/3 升級原因:

今次主角就係 Tesla Model Y 而 Model 3 LR 都係用相同音響組件, 所以理論上 Model Y 同 Model 3 音響係一樣. 而 Model 3 SR 就係只有8隻喇叭, 所以今次升級都同樣係可以係 Model 3 SR 到做. 首先Model 3/Y 係音響上其實已經比上一代 Model S 提升左好多, 不過都同樣有個問題就係係中音細節位係有明顯差d. 如果你去國外的討論區都會見到唔少人話原廠喇叭係比較 Flat (單一, 我理解係中音位好難有明顯高低分別) 而我個人感覺都係. 而且早期我唔知道Model Y/3 原車個 Spotify 係行 96khz 令到我一直以為個音響好似Model S 甘差所以就更加推動左我去升級. 後來先知要用手機藍牙行 Spotify 行 320kHz 先可以令到部車音響起死回生. 不過當時我已經著手做左好多 research 所以就繼續做埋音響升級.

做功課測試喇叭:

首先我係去街問價, 大多數做有品牌都係 5千蚊起換一對低音喇叭 (FOCAL). 係 Youtube 比較多 Tesla 音響改裝就係 Light Harmonic, 但係連埋運費要美金 US$ 710 (HK$5600), 而且係需要自己安裝.

我覺得太貴而且又唔太肯定出黎係咩結果. 同時我又係Model Y車主, 又係賣配件所以就諗睇下可唔可以搵到又平又靚喇叭比自己又可以賣比客人用. 最緊要性價比高又有質素. 所以就開始買一堆喇叭返黎做測試, 首先我唔係單單買平價喇叭, 我買個範圍由幾十蚊一隻到千幾蚊一隻都有. 而出黎結果係貴價喇叭效果音質唔係最好, 但係貴價喇叭就係外覲加工最靚. 比如會用 CNC 車個好靚鋁外殼. 但平價喇叭大部份都係比較差. 當中都有幾隻都幾好. 我地測試方式係我地辦公室用AMP 單獨推一對喇叭, 再係幾十對喇叭中抽出質素最好個幾隻係車到做測試.

上圖係我地測試部份喇叭, 我地測試數量遠遠比圖中喇叭多

安裝上車之前準備:

我地搵好左喇叭之後就係要睇下點係車到安裝, 因為改裝喇叭佢地個大小同螺絲位都會同原車唔同. 我見香港外面大多數都係用木板/直接自攻螺絲就算(會破壞原車件) 而且依個方法出黎質素唔穩定所以我係網上做左一堆研究, 就決定用 3D 打印機去打印個喇叭轉換器. 甘做就可以唔洗破壞車身都可以安裝到個改裝喇叭. 

街外有些音響鋪頭會使用木板再加上改裝喇叭, 觀感認真唔得

甘做就可以唔洗破壞車身都可以安裝到個改裝喇叭. 當然係網上搵個個3D 打印喇叭轉換器因為大細都唔同. 最後我地都需要搵專業工程師去修改設計先用到我地個改裝喇叭. 而最後就係接線, 我地都花左大量時間去搵原車喇叭OEM電線接頭. 甘我地去升級喇叭就可以直接 Plug and Play 唔洗用焊鐵去連接喇叭.

安裝前排喇叭:

我地今次帶左3款中音喇叭去車到做測試, 而低音喇叭我地都測試左 6-7對. 因為今次我係用Model Y 去做測試, 而我同車友傾過原來Model 3 個喇叭空位係有多d. 所以我地原來準備左3款中音喇叭只有2款用到, 因為其中一款個磁石太大而中控板個喇叭有野阻住放唔到入去. 所以只可以測試到2款同廠喇叭.

我地今次個中音喇叭係選擇左一款碳纤维盆 3.5寸喇叭, 喇叭接電位已經係鍍金銅片.

而當日2款設計其實係一樣, 不過2者分別係所用磁鐵唔同. 平價個款係用普通喇叭磁鐵, 而貴些個款係把原來普通磁鐵轉做釹強力磁鐵.  2款都係我係辦公室用AMP 出黎效果唔錯, 基本做到好平均樂器同人聲都夠細節. 不過如果同幾千蚊喇叭比應該就仲差d 不過整體唔錯. 因為用得上幾千蚊喇叭基本上需要再配上靚 AMP 先得.

原廠喇叭磁鐵明顯好細而且係用紙盆

左邊係釹磁鐵右邊係普通磁鐵

前排中控位測試2款喇叭, 最後我係用左普通磁鐵個款用做我day to day 喇叭. 其實釹磁鐵個款出黎效果係比我係辦公室測試出黎效果黎得好. 但釹磁鐵個款因為本身磁力強所以個靈敏度黎得特別高, 特別係高音個區比起之前會大聲好多. 雖然質感都可以, 但係因為中高音大聲左, 所以係聽音樂個時樂器中低音比例上就會細左. 所以最後我都係選用返普通磁鐵個款, 甘做我可以做返比較平衡而且如果有需要可以係車上 EQ 到調節都可以做到所需效果.

後排喇叭:

而前車門對喇叭原廠係使用左 8寸喇叭, 而改裝係選用左 6.5 寸. 不過我先黎個總結, 如果有興趣了解先再睇落去. 就係最後我地都唔建議車門對喇叭用返原廠就可以. 其實我地前前後後都測試左 6 - 7 對 6.5寸喇叭. 由貴小小千幾2千蚊一對到幾百蚊一對都有. 但最後發現因為隻喇叭對比 3.5寸大所以對AMP 有一定要求. 當日我地測試過有d 原車 AMP 唔係好夠推, 都有d 隻喇叭反應好大 base 太重長時間會好唔舒服. 都有d 就好 Flat. 而最後經過N 甘多次拆車門測試後, 最後覺得原車隻 8寸紙喇叭係唔換 AMP 情況下效果最好.

產品詳細:

最後就係我地個產品定價, 我地會將所有零件單價例出可供單獨出售. 同時會有個套裝價錢

普通磁鐵碳纤维盆 3.5寸喇叭: HK$ 380 (隻)

釹磁鐵碳纤维盆 3.5寸喇叭: HK$630 (隻)

喇叭轉換平台: HK$ 80 (隻)

連接電線: HK$ 40 (條)

所以如果以一隻喇叭安裝上車就係以上總和, 所以單零件會係 HK$500. 如果需要我地額外組裝, 上螺絲到轉換平台焊電線會額外收 HK$30. 如果一部車 3隻喇叭計就會係 HK$1590.

因為3D 打印組件會有損耗(打印失敗), 機械損耗, 材料錢, 時間, 設計 所以請唔好用原料價錢去作對比

如果需要安裝我地收費會係 HK$ 800, 如需要上門安裝需要額外收 $100 上門費用