Blog

最近日本人氣YouTuber「チャンネル隊長」介紹咗我哋嘅Ultra Smooth系列同Slicone系列嘅水撥。

由於隊長嘅影響力實在太勁，條片公開咗之後短時間內太多人入去，

Server承受太大負荷既關係...網站瓜咗一段時間。

老闆知道之後就拿拿臨升級咗個主機，相信而家網站會比之前穩定。

在此向當日受影響嘅用戶致歉🙏

【カー用品】※もう普通のワイパーに戻れません。最強撥水＆高耐久ワイパーを交換・レビューしてみた！【HEPA KING】 https://youtu.be/d-6EjT-s7Y4 @YouTubeより

第一次街外升級音響:

話說我由 Tesla Model S 年代開始揸, 早期Tesla Model S 如果冇升級音響原廠音響可以話係好差, 想要低音冇低音, 想要人聲冇細節. 所以當日因為套音響太差連收音機都唔想聽. 所以我後期係有去升級原廠音響, 當時印象中我係換左 Morel 摩雷報價係 $8000左右換左2對低音加2隻高音好似仲有中音但唔確定. 因為當時唔係太識所以都冇問太多.

而我之後都有部Model S 係有原廠升級音響, 明顯係對比原廠Model S 冇升級係好好多. 所以就冇需要再升級.

如果訂左車同未訂車都可以參考一下我分析, 希望可以幫到你選擇

香港係上星期開始接收訂購 Model Y, 而大陸都係早2日推出左一個新ga Model Y 標準版本. 係上年個時香港未有Model Y 只有 Model 3 個時應該大多數人都會係訂購 Model LR (Long Range) 版本. 因為加多5萬就有多大電同時又有音響等等升級. 所以應該係大部份人選購選擇.

所以開始接受訂單個時我都係冇睇直接訂左 Model Y LR 版本, 之後開始有時間做下d 功課就發時d 細節. 最後我係由 Model Y LR轉左去 Model Y SR. 以下係我作出分析細節

第一 Elon 係上年就提出過美國 Model Y SR 版本range 太短所以就取消左Model Y SR 版本. 但係今次香港一開始開賣就已經多左個SR 版本, 所以我特別花時間去睇一下.

我地先以 Model 3 SR 同 Model 3 LR 個電池去做比較, 以我所以Tesla 電池有好多供應商提供. 而M3 一開賣個時只有2個電池 50kW 同 75kW (未計預留電量) 計埋就好似上上落落 5kW 甘上下.

所以當時比多5萬蚊就大多數人緊係買 75kW LR 啦又有升級音響. 而且電池特性都係一樣都係用 Li-ion (NCA). 所以所有電池管理系統, 老化都係一樣.

而當Tesla 入左大陸生產就為左可以減價啦, 就搵左CATL 寧德時代去購買電池. 大家應該都覺得Tesla 電池技術應該係全世界最好, 不過其實佢地都只係專注係 Li-ion 技術. 而CATL 技術係主力 LFP磷酸鋰鐵電池, 因為本身原料係用比較常見化學物做冇需要用到貴金屬. 所以係價錢就有大大優勢, 不過LFP 電池特性都相對係性能方面比如係重量同電量比例就比較差. 可能同一個重量只有Li-ion 7成左右. 所以 Tesla 就將佢地大陸生產Model 3 SR 電池由 Li-ion 改做 LFP 電池. 但 LFP 電池係地區性有個問題, 就係如果你地區係d 好凍地方就會令到個可用電量影響好大 (Li-ion 同樣有類似問題但相對比較細) 所以Tesla 用 LFP 係會預留更多備用電量. 講解左甘多甘我地返去我地今次點選擇 Model Y 款式

我相信好多人都同我一樣, 係Model Y 剛出個時都係同我一樣以 Model 3 個池電做比較. Model 3 ~ 52 kWh vs Model 3 LR ~77kWh (大約). 但就過左幾日我上佢官網睇, 你留意一下佢地個 WLTP Range

	Model 3	Model Y
Standard Range (WLTP)	448 KM	455 KM
Long Range (WLTP)	580 KM	542 KM
Standard Range (国标工况法)	468 KM	525 KM
Long Range (国标工况法)	605 KM	594 KM

我地首先先比較左之前最好賣個 LR Version 先. 因為依粒電池應該2部車都係用緊 75-77 kWh 電池 (而加最新用到 4680 係有去到 82kWh) 但香港個資料睇應該仲係用緊舊款.

如果我地用 77kWh 去做基數, 77kWh/580 = 0.13276 kW/km. WLTP 就係表示Model 3 係 133W行到1 KM. 我地先用依個做參考, 而Model Y 係 142W per km. 點解我地要計個 reference ? 因為Tesla 未發佈到底 Model Y SR 粒電係幾大.

依加我地用上面個數值再去計算返 Model 3 SR 應該係有 59kWh (因為重量有唔同所以依個數字比預計會多, 但都唔係差太遠). 而Model Y SR 應該係有 64.61 kWh. 所以以 SR 黎計 Model Y 應該係比 Model 3 粒電大多 5kW.

姐係 Model Y粒電係 SR ~ 65kWh vs LR ~ 77kWh. 相差比Model 3 SR vs LR 細好多. 之後細節就係電池技術分別. 我依幾日就睇好多資料, 其實 LFP 電池特性比 NCA 其中一個最大分別就係日常建議充電電量上限. 如果你渣左Tesla 好多年都知道Tesla 只係建議你充到 90%. 因為如果充到 100% 就會傷電, 就算比你充到100% 最後個 90 -> 100 % 基本都係慢到 PK. 所以你買 LR 個時其實仲要諗就係以 90% 去計電量.

	Model 3	Model Y
Standard Range (WLTP) LFP 電	448 KM	455 KM
Long Range (WLTP) Li-ion NCA	522 KM (90%)	487.8 KM (90%)

因為 LFP 電池係唔需要充到 90%, 因為佢特性反而係建議你充到 100% 而且最後個10% 係都幾快下. 所以甘計你個實際 SR vs LR Range 其實就只係 455 km vs 488km. 只係相差 33KM !!!

同時因為今次 MY SR 係已經比左你升級音響. 所以你個額外5萬蚊只係用黎買額外 33km. 而且 LFP 電池電池壽命同放心系數都比 Li-ion NCA 好. 比如以老化測試計, LFP 電池由 Max 100% 電池, 去到 80% Max 電池可以行 2000個 Full Discharge Cycle. 而Li-ion NCA 測試只有500 Cycle, 所以點解 Tesla 只係建議你充到 90%. 而且外國Youtuber Bjørn Nyland指細測試都睇到 MIC LFP 電池係尾段 0 – 30% 電部車動力係冇減弱. 最後就係地理因素, LFP 最大壞處就係係極凍環境電量問題, 但香港凍極都係十幾度所以根本都冇問題. 所以買 MY 我係大力建議買 SR, 如果你轉色買SR 仲唔洗額外比 120% 稅. 如果問我, 我就唔會好似M3 主力 LR vs Performance. 我覺得 MY 應該係選擇 SR vs Performance. 因為 LR 係完全冇咩特點

如果你睇曬我打甘長文章而你覺得有用, 買左車朋友未買車都可以用我個 referral Link

http://ts.la/kalung8838

如果你轉款式可以叫Sales 同時轉埋我Referral Code 當係支持下我 =)